俄羅斯藍眼美女 Liza Kei

lowerpoly

究竟點解藍眼嘅美女總係令人覺得佢特別靚？我都唔知，或者係因為全世紀只有大概8%人口擁有藍色眼睛，所以物以罕為貴；又或者係因為大部份藍眼睛人士都係東、北歐人，而佢哋本身就特別靚，所以「藍眼=靚」。好似呢位Liza Kei咁就擁有一對藍色漂亮眼睛，但其實佢仲有更靚嘅地方！
Liza Kei出身於俄羅斯東南部，靠近鳥克蘭嘅Rostov-on-Don，勉勉強強都算係東歐人。自細就學習芭蕾嘅佢於17歲「轉職」成為模特兒，從此就不斷登上歐美各大雜誌。Liza除咗有一雙藍眼珠，鍾意健身嘅佢亦有一副好身材，加上清純唯美嘅臉蛋、甜美嘅笑容，真係令人有戀愛嘅感覺。但同時佢亦有「曳曳」嘅一面，例如佢曾經為知名男性雜誌《Playboy》拍下幾輯令人心癢難耐嘅寫真，展現誘人身姿！
所以你話究竟係人靚，定藍眼睛靚？我只能夠講Liza嘅眼珠係咩色都係咁吸引囉。