陽光活力四射 古銅美女Isabelle Mathers

lowerpoly

踏入3月天氣開始回暖，大家又係咪蠢蠢欲動想重新開始各式各類戶外運動呢？如果係就係先熱下身啦，例如睇下澳洲美女Isabelle啲相咁，佢嗰股活力真係撲面而來呀！
Isabelle Mathers今年19歲，喺IG上自稱為「澳洲沙灘寶貝」，而佢個IG又的確係充滿住佢嘅各式各樣比堅尼照，都算名符其實。而且同時身為模特兒嘅Isabelle身形頗為纖瘦，但就一身唔係個個女仔都Carry到嘅健康膚色，同腹間嘅肌肉線條就令佢毫無弱質纖纖嘅感覺，反而充滿活力，真係睇到人哋好想同佢一齊做運動呀！
如果你都鍾意呢類型女仔，咁就快啲去Follow佢IG啦！順帶一提今日(3月3日)就係佢生日，如果我去同佢講生日快樂，唔知會唔會得到佢嘅回覆呢？