神秘美女 Katya Aivazova

lowerpoly

一個女仔既然有姣好嘅美貌同曼妙嘅身材，咁進軍幕前係好合理嘅事；而又既然做得幕前，理應又會盡力宣傳、介紹自己，等更多人認識自己。但呢個世界偏偏就有啲人唔做啲「理應」嘅嘢，例如來自俄羅斯嘅美女模特兒Katya Aivazova咁，就係一個盡力保持神秘嘅人。
對於Katya，我哋能夠肯定嘅只有兩樣嘢，第一就係佢個名，其他其實都係靠估：估佢係俄羅斯人因為佢個IG上嘅自我介紹係寫俄文；估佢係模特兒純粹係因為佢成個IG僅有幾十張，以及喺Reddit上流傳嘅相中絕大多數都係同攝影師合作嘅寫真。縱然有成10萬Followers，但網絡上有關佢嘅資料都相當緊絀，所以根本就冇辦法知道佢究竟係個咩人。至於我哋能夠肯定嘅第二樣嘢，就係佢身材真係相當火辣——呢點大家只要睇下佢啲相就會明白架啦。
唔知Katya究竟係刻意保持神秘，定係根本意不在此，但點都好我都建議大家Follow佢嘅IG——話唔定佢見到有咁多Fans支持，就會畀機會大家更深入地認識佢呢？