鯉魚與美女 「魚水之歡」月曆

lowerpoly

《西廂記》中用「魚水之歡」黎形容男女之間嘅「親密」關係，相傳出自《詩經》，「魚水」比喻夫婦之間嘅依托，「之歡」就冇咩好解啦下話？但實際上大家「之歡」時，通常都好少可會真係涉及有「魚」嘅存在——除非你嘅喜好同呢個「鯉魚與美女」一樣咁特別啦！
呢個「Carponizer月曆」係一本同名德國釣鯉魚(Carps)雜誌出嘅，今年已經係第二年發售，佢最大嘅賣點就係12頁月曆中都有唔同嘅裸體美女——但佢最奇怪嘅賣點亦係呢到，因為呢啲美女全部都抱住條鯉魚出鏡。 Carponizer負責人Henrik Pöhler喺接受《Maxim》訪問時指，推出呢個奇怪月曆嘅原因係想將(釣)鯉魚同裸女呢兩樣男人喜愛嘅東西放埋一齊。佢仲話唔好以為只係一個靚女抱住條魚咁簡單，因為要釣到咁大條魚本身就有難度，而要影到咁靚就更加難喎！唔知你又對佢嘅傑作有咩感想呢？
如果你都認同呢種「魚水之歡」，就可以去Amazon用18.95美女(約150HKD)買呢個月曆返屋企。冇咩事我返出去洗手先——唔係，我冇單手打字，只係我見到啲魚就突然覺得自己個人好「潺」啫。

dragondick

最後一張相，嗰魚咀同佢嘅咀好似喎!  

茶树菇

感觉模特不太对口味，而且呢d日历仲打码的？！