淚眼美女 Maria Eduarda Reis

lowerpoly

有人話女人最大嘅武器係身材、係樣貌，事關一個女仔樣靚身材正，佢就算問你拎個腎你都會認真考慮畀唔畀佢。但計我話女人最大嘅武器明明係眼淚，因為就算佢唔靚又冇身材，只要佢喊住問你拎個腎，你明知唔會畀但你都唔會拒絕佢。如果係咁，你又可唔可以拒絕以下呢位巴西美女？
Instagram上嘅「Dudareisb」全名Maria Eduarda Reis，係一名來自巴西嘅Instagram網紅。雖然佢都有網紅必備嘅「樣靚身材正」，但最大嘅特色其實係一對睇落永遠都係水汪汪、好似好可憐咁嘅綠色眼睛。但其實佢一啲都唔可憐，仲成日笑得好開心添！加上不時喺沙灘上拍照，充滿陽光活力，難怪吸引到45萬Followers啦。
2000年出世嘅佢今年只係得17歲，過多幾年成熟啲、少咁啲Baby Fat，美貌話唔定可以再進一步。依家Follow定都算係長線投資啦！