求你抄我牌 台灣性感交通女警

kingkong10002

依家香港警民關係有幾好大家心中有數，但喺某啲時候普羅大眾都會放低對佢哋嘅不屑，突然「Sir前Sir後」好有禮貌——就係當佢「準備」抄你牌嘅時候；若然佢都係抄咗，你就會脫下自己虛偽嘅面具，反抄佢媽媽。但如果抄你牌嘅呢位女警，你最應該做嘅，就係抄返佢牌！
呢位Angel Lin係台灣一位啱啱出學堂冇耐嘅交通警，本身亦係一位網紅，早前被台灣媒體大肆宣揚之後人氣更進一步。Angel擁有一對又大又圓嘅眼睛，白晢皮膚、瓜子口臉再配高挺直嘅鼻樑，睇落去有幾分混血兒的感覺。而且可愛嘅臉蛋之下係頗為可觀嘅上圍同一對又白又長又幼嘅長腿，就算唔係女警都係一個吸引嘅靚女。如果可以畀佢抄牌真係好幸福呀！
雖然話有個靚女女警會令整個警隊形象提升，但我就好懷疑佢會唔會反而令到路面更危險——啲麻甩佬見到實踩油追上去啦，我都會啦。

qweasd123123

good good