|
在今日的記者會上，雖然通訊事務管理局 OFCA 的重點，是 ，向智慧城市邁進一步，但與此同時亦都透露了關於 5G 流動服務的資訊，並提及到 5G 香港推出的時間。想知幾時可以感受到 5G 有幾快，繼續睇落去啦！
甚麼是 5G？在開始講 5G 香港幾時推出之前，首先要了解到底甚麼是 5G？係唔係單純講速度提升到幾多就叫 5G？當然，速度提升就一定架喇，OFCA 更指出未來 5G 的速度，甚至可以媲美光纖，就咁聽落有的確是挺吸引。不過，5G 實際的應用，不僅於此，5G 除左可以支援高速通訊，進一步增強流動寬頻服務外，同時亦都可以促進智能運輸系統以及物聯網 (IoT) 等應用。在剛才的文章上都提到，NB-IoT 的應用可以包括遙距監測同遙距控制，其實即使是 4.5G 網絡，都一樣可以做到，但透過 5G 則可以將延遲的情況大篇幅地降低。不過，要支援新的 5G 服務，其實係需要額外的頻譜加持。
5G 流動服務所需要的頻段有 3.5GHz、26GHz 以及 28GHz，當中的 26GHz 頻帶，其實現時香港已經用緊，而通訊局亦已於今年四月，通知受配人須在 2019 年 4 月前將現時操作的鏈路遷移到其他頻帶，以騰出頻譜供編配作 5G 服務之用。至於 28GHz 頻帶，暫時香港就未有用到。
咁 3.5GHz 頻帶又如何呢？其實現時 3.5GHz 頻帶是應用在衛星服務上，會唔會因為將 3.5GHz 用作流動服務而導致衛星服務用唔到呢？通訊局建議會將該頻帶的頻譜重新編配，例如可能 3.4 - 3.6 GHz 係用作流動服務，而 3.7 - 4.2GHz 則用作衛星服務，中間留返個分隔頻帶，以減低流動服務同衛星服務頻率接近造成的干擾。OFCA 會就編配 3.5GHz 頻帶的問題，尋求公眾意見。
會否以拍賣方式編配？按照 OFCA 的說法，26GHz 以及 28GHz 頻帶的編配方式暫時未能確定，在此之前必須先邀請業界及有興趣人士提交意向書，由下星期開始為期六星期。而檢閱了業界意見後，通訊局計劃會在 2018 上半年，就 26GHz 以及 28GHz 頻帶內的頻譜作 5G 服務的編配及相關的指配安排，進行公眾諮詢，然後之後才能確定會如何編配頻譜。
重點！！！香港最快幾時有 5G 用？重點來了！到底香港最快幾時先有 5G 用呢？OFCA 表示最快於 2019 年指配有關頻譜， 而 5G 流動服務有望於 2020 年在市場推出 。算唔算好遲？其實唔遲，其他國家如日本、韓國，主要係因為有大型體育活動，所以先有得早啲用 5G。
| 
发表于 2017-12-1 23:02:32