演女賊貼身打鬥 周秀娜被KB活捉舔臉

rockypin

周秀娜在新片《女士復仇》中飾演巴渣女賊，同鄧麗欣（Stephy）及樂基兒挑戰連場槍戰，三女爭仔。片中有場Kevin Boy（KB、李健宏）姦Stephy及娜姐的戲份，3人又要在廢屋扭作一團打鬥。娜姐被KB活捉兼舔臉，臉露痛苦表情，她指經過這場戲之後同Stephy成了「生死之交」：「間屋環境好差又窄，成日都有老鼠經過，我同Stephy要喺呢個地方拍咁長時間真係度患難。」

　　《女》片拍攝期間正值夏天，娜姐卻要一直穿皮草，只因導演想營造《英雄本色》的感覺，娜姐指：「無諗到會喺夏天著皮草，好記得有一場喺天台同Stephy對戲，cut機後一除件皮草係成件都濕晒！」娜姐更自認麻甩鍾意變態電影：「其實我個性格比較似男人，所以都好鍾意呢啲咁變態嘅電影，多謝導演畀呢個角色我，滿足我『男人』的一面。」    周秀娜演巴渣女賊，被KB舔臉時好痛苦。