未入門先現形 陳嘉寶冷對未來奶奶

Radiata

陳嘉寶(Anjaylia) 下個月25號就下嫁富二代黃頌祈，Anjay出道至今零緋聞零負評，23歲女至初戀，27歲就話要嫁初戀男友，仲係虔誠基督徒，自爆拍拖四年「有愛冇性」要留低洞房夜至拆禮物，呢啲純過蒸餾水的囡囡今時今日去邊度搵？不過，再Pure再True都唔代表喺未來奶奶面前識做人，日前Anjay陪住未婚夫出席家庭聚會，唔曉主動講嘢、又全程黑面自顧自玩電話，結婚之後對住夫家日子流流長，呢鋪作風真係要改！


陳嘉寶 大婚前努力爭肥
大日子還有個半月就到，待嫁陳嘉寶將於洲際酒店設宴超過50圍，現時正忙於籌備婚事及向親友派帖。雖然婚禮各大事項基本上已經安排妥當，不過始終瑣碎事太多心情又緊張，搞到Anjay近日失眠體重又下降：「我身材已經好平板，最近試身發覺腰圍又瘦多3吋，再瘦怕變地盤凹陷，所以依家最想增肥，希望大日子時可以令上圍升得幾多得幾多！」

•   
  
    
•   
  
    
•   
  
     

  女神Anjay遇上女神陳瀅，仲要齊齊着埋美少女戰士制服，宅男們最期待的畫面！


小鳥依人拖未婚夫
雖然話籌備婚禮壓力大，不過未婚夫係要見、未婚夫家庭聚會亦都無論如何要出席。日前，Anjay連續兩日被捕捉到見未婚夫，二人世界拍拖時，Anjay絕對係稱職女朋友，小鳥依人拖住未婚夫，待嫁姑娘不時甜笑，仲掉番轉頭唔怕悶陪未婚夫試鞋！

未婚夫大Anjay 8年，從事金融界，家境富裕，有指家族至少有八個豪宅揸手，未婚夫又是香港滑水總會教練，同Anjay郎才女貌，外型合襯﹗





對住奶奶變晒樣
不過隔兩日對住未婚夫家人，就兩個樣，全種自顧自篤電話，一係托頭扁晒嘴，毫不掩飾一臉煩厭。就算同未來奶奶面對面坐，都拒絕主動搵話題更避開眼神接觸。終於捱到飯聚結束，拖住男友影家族大合照時，交貨露出招牌女神笑容。藝人即係藝人，打卡po上網喎，唔通仲黑面咩？
  
  一行八人，除咗Anjay同黃頌祈，有六個都係長輩，見到Anjay擺明同黃家人欠缺溝通，人哋有人哋說笑，佢就坐在角落似足局外人。
  
  明明坐面對面就係未來奶奶，平時乖巧純品嘅Anjay原來都有黑口黑面一面，自顧自篤電話。
  
  Anjay悶到托腮，一臉不耐煩，女神果然夠真性情！

散水輕鬆晒

  
  身體最誠實，一離開餐廳Anjay就拖實未婚夫滾水淥腳急步走，多一秒都唔想應酬男方家人。



  Anjay嗰頭黑口黑面，呢頭畀未婚夫氹兩句，即刻笑得仰晒頭、頭髮都亂埋，女神開懷呢面認真少見。

usaywhat

睇落觉得一般般