被報導過75次的肉感Model Ashley Resch

lowerpoly

            

網絡世界漸成主流，所謂網絡紅人、KOL嘅影響力亦隨之而提升，但以香港嘅市場黎講，所謂KOL其實都不外乎打機直播、搞笑小劇場同美妝Blogger幾種，當中唔係冇樣靚身材正嘅「女神」，但大都遮遮掩掩，肯大方示人嘅實在唔多！既然香港冇，咁就唯有去外國搵，例如呢個Ashley Resch就係好介紹啦！
Ashley本來係一名模特兒，18歲開始就已經拍緊內衣照，憑其金髮及曼妙身材獲得廣泛注目，仲曾經出現於Sports Illustrated、Brobible等知名男士媒體上出現共75次，Instagram上亦有接近50萬Followers，可見其人氣之高！兩年前佢開設咗自己嘅Youtube Channel，初時以傾計為主，仲講過「Metoo」同被人氹上床嘅經歷，後黎就變咗旅遊Vlog，娛樂性豐唔豐富就唔知，但肯定冇睇相咁養眼啦！
你話如果香港都能夠出到呢種風格嘅網紅，大家嘅生活會唔會有趣好多呢？