何家千金 超蓮晒腿夜蒲俾仔撩

goodstuff

何家千金  超蓮晒腿夜蒲俾仔撩

賭王千金何超蓮喺噚日拆禮物日凌晨1點幾現身中環蘭桂坊夜蒲，腳踏5吋高踭鞋嘅超蓮，着黑色超短裙晒美腿，索爆街頭。當時氣溫得十幾度，超蓮冇着絲襪保暖，認真愛靚唔愛命，佢同幾位女友人上PLAY酒吧消遣，問佢係咪聖誕出嚟玩？超蓮話：「唔係，我嚟搵細佬（何猷啟）。」

凌晨兩點幾，猷啟率先離去，佢好大方畀記者影相，超蓮同友人就玩到差唔多3點先走，飲到面紅紅嘅超蓮慢慢行落長樓梯，咁啱有幾個男仔喺度飲酒吹水，當中有人出口撩索女超蓮：「喂，你條底褲俾人影到。」超蓮冇理佢哋，有人再高叫：「喂，影你走光相，打巴佢哋啦。」超蓮呆一呆，加快腳步走人，有人見撩女失敗，即發出噓聲。