港攝影師Jimmy Ming Shum操刀! 環奈BB新寫真集!

lowerpoly

      

「N年一遇美女」嘅始祖橋本環奈喺好多人心目中都仲係一個小妹妹，但其實自從2013年爆紅以來佢已經出道6年之久，今年已經係19歲嘅亭亭玉立少女，黎緊更加會出「一字頭」嘅最後一本寫真「NATUREL」！
「NATUREL」係法文嘅「自然」，咁好好地英文唔用用法文好明顯就係因為佢本寫真係遠赴法國巴黎同尼斯等地方取景，展現佢「最自然的素顏」，某程度上可能都提醒緊大家，往後嘅環奈BB可能會越黎越成熟，唔再係大家印象中嘅小妹妹。而且我約略睇過公開咗嘅寫真集相片，靚人靚景係有嘅，但若然你追求嘅係「肉色部份」，咁就一定會失望啦。
而呢本寫真集嘅另一個賣點，就係由長居日本、數年前曾在日本家中接受過訪問的著名攝影師Jimmy Ming Shum操刀。Jimmy Ming Shum最廣為人知嘅作品就係曾於雜誌連載的「東京女孩」，以黑白照帶出女孩最自然嘅美態同性感，同環奈BB呢本「NATUREL」可謂天生一對，亦係少數為日本女星寫真集執鏡嘅香港攝影師，值得大家支持呀！